Famullitari dom Dodë Koleci u lind në Kallmet në mes të shekullit XIX dhe vdiq në Ndërfanë të Mirditës, më 17 shkurt 1915. Ai ka shërbyer në hierarkinë kishtare prej afër 40 vjet, si famullitar në Orosh të Mirditës, Blinisht, Kaçinar, Mnelë e së fundi kohën më të gjatë prej 21 vjetësh e kaloi si famullitar në Ndërfanë, derisa vdiq. Ka qenë atdhetar dhe shkrimtar. Ka punuar për Gramatikën e parë gegnishte të vitit 1901 dhe Fjalorin e shoqërisë “Bashkimi”.
Dom Gjergj Koleci, vellai i dom Dod Kolecit, u lind në 1868 në Kallmet. Ishte prift dhe atdhetar i shquar. Edhe ai si vellai i tij ishte pjesë e Shoqërise Bashkimi, ku ishte aktiv me shkrime të ndryshme në gazetat kulturore dhe fetare. Ishte ipeshkëv i Sapës. Vdiq në vitin 1928.
Z. Petrit Marku
Kryetar i komunës Kallmet
Hapja e nje faqe ne internet vetem per Komunen e Kallmetit eshte nje tjeter nisem e ndermarre nga Komuna jone, e cila synon te promovoje vlerat historike dhe kulturore te zones se Kallmetit...